DAHEJ

Paida beti ke hote hi,
Rona aa gya baap ko,
Shayad khushi ke aansu the par,
Thi chinta kisi baat ki,
Khush tha bo kal sansaar me,
Aaj kyun neendein ud gyi raat ki

Sawaal tha ek uske man me,
Khushiyan beti ki kal ko,
Sahej mai kaise paunga,
Shadi ko apni bitiya ki,
Dahej kahan se launga

Soch raha tha na jane kab,
Neend aa gyi baap ko,
Phir subah hui,
Beeta samai mehnat karte,
Dahej use jutana tha,
Bitiya ke dukhon ka saagar,
Usko hi pee jana tha,

Bitiya jab ho gayi sayani,
Baat yaad aayi bahi purani,
Waqt jo thora beet gya tha,
Andaaz bhi kuch naya naya tha,
Shuru hue sawalon ke ghere,
Honge kaise beti ke phere,

Bo to bhookhe hain paise ke,
Jaan ho unki usme jaise ke,
Bin baraat ki bhookh mitaye,
Bitiya unhe kaise du mai
Jaan apne hi hathon se,
Us bacchi ki kaise lu mai,
Samagh nahi aata mujhko,
Unko kaise samjhaun mai,

Kanya daan hi maha daan hai,
Unko kaise batlaun mai,
Jaan to leke ja rahe hain,
Ab kya khidmat ko laun mai..?

Ye jo aap beeti puri hai,
Ek baap ki majboori hai,

Yun sawaal abhi bhi baki hai,
Dahej ki is pratadna se,
Kyun jalti khushiyon ki jhanki hai?
Kyun jaan kisi ki jaati hai?
Dekh ke duniya aisa manzar
Sharm tujhe nahi aati hai?

Umeed hai sara ye manzar,
Badal kabhi to jayega,
Phir beti paida hogi,
Har baap muskurayega..!!
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s